رامیاری گۆڤارێکی سەرهێڵی سەربەخۆیە کە تیشک دەخاتە سەر ئەو بابەتانەی کە کۆمەڵگا پێوەی دەناڵێنێت
باسی بەربڵاو
- بێزەحمەت کەمێک عەزیەت بکێشن جەنابتان تەشریف ببەن بۆ ڕێکەوتنێکی کۆنکرێتی لەگەڵ بەغدا.
- چونکە ئەوانەی ئەوێش ئەگەر هاوشانی ئێوە زیاتر نەبن کەمترنین، ئیتر ئەو تەکەبورە بۆ؟
- تکایە وەفدێک مەنێرن کە توانای بڕیاردانی نەبێت.
- هەرچەند دەزانم ئێوە لەم پەیامە تێناگەن چونکە ئاگاتان لە گوزەرانی خەڵک و موچەخۆران نیە.
- بەلاتانەوە سەیر نەبێت کە خەڵکی بڕوای وایە ئێوە لێیان تێناگەن، چونکە ئێوە لە دۆڵێک و میللەتیش لە دۆڵێکیترن.
- گرنگترین کاری ئێوە لەمڕۆدا دابینکردنی موچەیە، ئیتر باس لەهەرشتێکیتربکەن لای خەڵکی تورێک ناهێنێت.
- لەم پەیامەدا بۆیە ناوی سەرۆکی پەڕلەمانم نەهێناوە، چونکە ئەو دەسەڵاتە هەرچەند دەسەڵاتی یەکەمە، لەم خولەدا ئەو ئامێرەیە کە کۆنترۆڵەکەی لای ئێوەبێت.
- دەست لەو مەبدەئە هەڵبگرن گەر میللەتی کورد یەکە یەکە بمرن نەوت ڕادەستی بەغدا ناکەین.
- هیچ نەبێت بۆ پاراستنی بەرژەوەندیەکانی خۆتان بیرێک لە حاڵ و گوزەرانی خەڵکی بکەنەوە.
- کورسی و سەروەت و سامانێکتان بۆچیە گەر میللەت نەفرەتتان لێبکات.
- ڕاستە یەکێتی و گۆڕانیش هاوبەشی کابینەی (نۆ)ن، بەڵام لە بڕیارە چارەنوسسازەکاندا ئەوان لەدەرەوەی هاوکێشەکەن.
- ئایە دەزانن ئەگەر لەمڕۆدا جارێکیتر پرۆسەی ڕیفراندۆم دووبارە بکرێتەوە دەرەنجامەکەی هەر وەک ئەوەی پێشوو دەبێت، بەڵام دەرەنجامەکە پێچەوانە دەبێتەوە؟
- کەس باوەڕناکات کە دەڵێن بە داهاتی ناوخۆ و فرۆشتنی نەوت بڕی پێویستمان بۆ موچە دەستناکەوێت؟
- دیسان ئایا دەزانن کە کەس باوەڕ بە بەڵێن و لێدوان و هەوڵ و پڕۆژەکانتان ناکەن؟
لە کۆتایدا ئەو دوو دێڕە هۆنراوەتان بیردەخەمەوە (برا فکری چرا کبریتی فرسەت تا لەدەستدایە... شەوی یەڵدا لەپێشە ڕۆژی عومرت وەختە ئاوابێت).